Në kuadër takimit të Adriatikut ministri i jashtëm Ditmir Bushati bisedoi me homologët e tij të Malit të Zi dhe Kroacisë në Budva.
Shefi i diplomacisë shqiptare Bushati theksoi rëndësinë e bashkëpunimit mes tre vendeve në proceset e integrimit dhe kthimin e rajonit në një hapësire të zhvillimit të projekteve të përbashkëta.
Tre ministrat shprehën mbështetjen e plotë për anëtarësimin e Maqedonisë në NATO dhe vlerësuan marrëveshjen mes Shkupit dhe Athinës si dhe dialogun Kosovë-Serbi, por edhe avancimin e projekteve strategjike si korridori Adriatiko-Ionian dhe gazsjellësi që do lidhë linjën Trans-Adriatike me Kroacinë nëpërmjet Shqipërisë.
Në përfundim të takimit ministrat e jashtëm të të tre vendeve nënshkruan një deklaratë të përbashkët.
