Ministri për Evropën dhe punët e jashtme, Ditmir Bushati, zhvilloi një takim me homologun e tij lituanez Linas Linkevičius, në kuadër të një turi rajonal në vendet baltike.
Gjatë takimit Bushati foli për bashkëpunimin mes dy vendeve dhe rëndësinë e gjallërimit të bashkëpunimit ekonomik. Dy ministrat i kushtuan vëmendje të veçantë integrimit evropian dhe impaktit transformues që ka politika e zgjerimit në vendet e Ballkanit, përfshirë sigurinë e tij.
Ministri i jashtëm i Lituanisë konfirmoi qëndrimin mbështetës për një vendim pozitiv për hapjen e negociatave te anëtarësimit gjatë këtij viti.
