Ministri i jashtëm Ditmir Bushati thekson nevojën e miratimit të reformës në sistemin e drejtësisë sa me pare. Në një intervistë dhënë për “Dojçe Vele”, kryediplomati shqiptare thotë se kjo është një reformë e thellë dhe tërësore, për të cilën është marrë ekspertiza më e mirë ndërkombëtare. Ai shprehet se puna në Komisionin Parlamentar duhet të përfundojë sa më shpejt, në mënyrë që reforma të kthehet në realitet. Ministri Bushati u shpreh se çdo vonesë që vjen në këtë drejtim nuk ka diskutim që është e dëmshme edhe për perspektivën e shoqërisë shqiptare. I pyetur mbi krizën e refugjatëve, ministri Bushati deklaroi se për momentin nuk ka asnjë rrezik që Shqipëria të përballet me valën e refugjatëve. Megjithatë, ai sqaroi se janë vendosur të gjitha kontaktet me vendet fqinje për ketë çështje.
