Shqipëria dhe Kosova do të kenë një bursë të përbashkët për energjinë elektrike, për konkurrencë më të drejtë dhe çmime të besueshme.
Përfshirja në Alpex, bursa shqiptare e energjisë elektrike e themeluar në vitin 2020, u inaugurua disa ditë më parë në një ceremoni në Prishtinë. Lidhur me bursën e përbashkët Shqipëri-Kosovë, foli sot në studion e emisionit “7 pa 5”, eksperti i energjisë, Eduard Elezi.
Eksperti tha se bursa e përbashkët rajonale është një lajm i mirë për Shqipërinë dhe Kosovën, pasi çdo treg i përbashkët mes dy vendeve është një lehtësim për bizneset dhe qyetarët e secilit vend.
Sakaq ekseperti tha që në mënyrë që bursa e përbashkët të japë fryte, duhet fillimisht që të lulëzojë një treg i përbashkët i energjisë mes Shqipërisë dhe Kosovës.
Elezi tha se është më rëndësi që bursa të harmonizohet në këtë treg të përbashkët, ndërsa pohoi se një ndër përfitimet kryesore të bursës së përbashkët do të jetë se konsumatorët në Kosovë e Shqipëri do të kenë të njëjtin çmim tarifimi të energjisë elektrike.
“Është mirë që bursa të harmonizohet me këtë treg të përbashkët. Përfitojnë qoftë bizneset por edhe qytetarë të Shqipërisë dhe të Kosovës…Bursa është thjesht tarifë harmonike, që ka shumë faktorë. E para, harmonizohet tregu i energjisë elektrike, sa më shumë investime në sektori publik aq më mirë për qytetarët. Linja e transmetimit, linja 400 me Kosovës bën tranzitin e energjisë elektrike, pjesa e shpërndarjes mund të konceptojmë kosnumatorin në të njëtjëtn linjë që të kenë të njëjtë çmim tarife”, tha eksperti./vizionplus.tv.
