Zbardhen detaje nga ngjarja e rëndë e regjistruar këtë të enjte në Këllëz të Gjirokastrës, ku një 72-vjeçar i vuri flakën gruas së tij. Kjo e fundit kishte ardhur nga Greqia pak ditë më parë.
“Vizion Plus” mëson se autori, Panajot Janaqi është në një konflikt për motive pronësie me të vëllanë. Dyshohet se gruaja e 72-vjeçarit kërkonte të vizitonte kunatin dhe të sqarohej me të për çështjen e pronësisë, por u pengua me forcë nga bashkëshorti i saj, i cili e dogji me benzinë.
Gruaja ndodhet në Spitalin Rajonal Gjirokastër, fatmirësisht jashtë rrezikut për jetën. Lëndime të lehta ka pësuar edhe autori i kësaj ngjarjeje.