Një ditë pasi kryetarët e bashkive që drejtohen nga opozita kërkuan lirimin e ambjenteve ku janë vendosur Komisionet Zonale të Administrimit Zgjedhor, policia e shtetit ka nisur ruajtjen e ambjenteve.
Një mjet i komisariatit të Policisë Mat është vendosur pranë pallatit të Sportit “Ferit Hysa” ne Burrel.
Disa efektiv të policisë së rendit qëndrojnë aty që prej pasdites së premte duke mbrojtur zyrat ku janë vendosur materialet zgjedhore deri në këto momente te KZAZ 16.
Problemet e para mes bashkive ku drejton opozita dhe KZAZ-ne kane nisur te reflektohen teksa ne Kavaje disa punonjes bashkie u arrestuan pasi hoqen listat e zgjedhesve nga shkolla.
