Gjykata e Tiranës la ne burg dy të arrestuarit që dyshohet se kanë lidhje me vendosjen e eksplozivit ne makinën e biznesmenit Nuredin Suli. Musa Çerpja dhe Julian Hamollari akuzohen për pengim në zbardhjen e së vërtetës. Prokuroria dyshon se u kanë shitur në tregun e zi dy numra celulari atentatorëve, e madje mund të kenë edhe njohje me ta. Të arrestuarit kanë thënë se nuk mbajnë mend emrat e klientëve qe kane blere kartat sim. Pista kryesore vazhdon të jetë ajo e hakmarrjes. Dyshohet se autorët mund të jenë paguar për vendosjen e eksplozivit, por identifikimi i tyre është i vështirë, pasi makina e 53 -vjeçarit Suli ka qenë e parkuar jashtë hapësirës se mbuluar nga kamerat e sigurisë.

 

 

Leave a Reply

Your email address will not be published.