Burg për Mario Ribajn, vrau bashkëmoshatarin e tij

Gjykata e Vlorës ka dhënë masën e sigurisë arrest me burg për Marjo Ribaj dhe Endri Pangon, të akuzuar për vrasjen e një bashkëmoshatari në Vranisht të Vlorës. Ribaj akuzohet për vrasjen e 23-vjeçarit Fabio Veizaj, ndërsa Pango si bashkëpunëtor i tij. 23-vjeçari Veizaj u qëllua me armë zjarri mesditën e së premtes pranë shtëpisë se tij. Nga hetimet, rezultoi se shkak i krimit ishte bërë shit-blerja e një automjeti. Gjatë marrjes në pyetje, përpara prokurorëve Ribaj deklaroi se viktima nuk ia kishte shlyer të gjithë shumën e parave që i detyrohej.