Një 44-vjeçar ka mbetur i plagosur rreth orës 12:00 në një nga galeritë e kromit në Bulqizë. Sipas policisë 44-vjeçari me inicialet B.D ka qenë në frontin e punës, teksa është goditur nga disa gurë që për fat të mirë nuk i shkaktuan plagë të rënda në pjesë të tjera trupit, pasi e goditën në këmbë.
44-vjeçari është dërguar për mjekim në spitalin e Bulqizës ku ndodhet jashtë rrezikut për jetën, ndërsa grupi hetimor ka nisur hetimet për zbardhjen e rastit.
Incidentet në galeritë e kromit në Bulqizë kanë qenë të shpeshta kohët e fundit duke sjellë pasoja në plagosen e minatorëve që punojnë në thellësi të nëntokës.
