Të tjera detaje kanë dalë në dritë nga ngjarja e rëndë e ndodhur mesditën e kësaj të premteje në fshatin Ostren të Bulqizës.
Sipas njoftimit të policisë, humbën jetën nëna Rajmonda Tola, 40 vjeç dhe dy fëmijët e saj, një vajzë e një djalë Fatjon Tola. Paraprakisht, policia dyshon se ata janë helmuar nga bombola e gazit.
Ndërkohë, në gjendje të rëndë shëndetësore është edhe vajza tjetër 16-vjeçare. Efektivët janë në vendngjarje për të hetuar mbi shkaqet.
