Bulqizë, kapen dy grabitës banesash

Dy të rinj janë arrestuar këtë të hënë, pasi akuzohen si autore te një serie vjedhjesh në qytetin e Bulqizës. Operacioni i koduar “Minatori”, ka çuar në pranga Endri Guzjan 25 vjeç dhe Ridian Xhelekan 25 vjeç, dy emra të njohur për policinë, pasi edhe më herët kanë qenë të dënuar për vjedhje në bashkëpunim. Arrestimi i tyre u bë pas informacioneve se ne 13 shkurt, ata kanë vjedhur një banesë ku kanë marrë 4500 euro, 250 mijë lekë të rinj, si dhe dy varëse floriri. Të gjitha paratë dhe sendet e vjedhura, u sekuestruan nga policia, gjatë kontrollit në banesën e tyre.