Bullgari është shprehur se nuk do të nënshkruajë një paktin global për të nxitur migrimin e rregullt dhe të sigurt, pasi e cilëson si një mënyrë që cënon dhe dëmton interesat shtetërorë.
Kryetari i partisë më të madhe në parlament, GERB, Tsvetan Tsvetanov, në një takim me koalicionin qeveritar është shprehur se “pozicioni i Qeverisë së Bullgarisë do të jetë të mos i bashkohet paktit global të Kombeve të Bashkuara për migrimin”.
Ndërsa pritet që këtë të mërkurë Parlamenti i Bullgarisë, të diskutojë në lidhje me këtë çështje.
Ndërkohë pakti Global për Sigurinë dhe Migrimin e Rregullt, i cili nuk është ligjërisht i obligueshëm, është finalizuar nga Kombet e Bashkuara në korrik.
Muajin e kaluar, Austria ka thënë se nuk do ta nënshkruajë atë, gjithashtu Shtetet e Bashkuara janë tërhequr nga pjesëmarrja në negociatat mbi paktin, ndërsa, në korrik, Hungaria e ka bërë të njëjtën gjë.
