Sokol Bulku është i bindur se Partizani nuk ka asnjë faj përsa i takon incidenteve në duelin e fundit kundër Flamurtarit. Ish mesfushori i njohur i disa skuadrave në kampionatin shqiptar dhe në mënyrë të vecante i Tiranës thotë se i gjithë faji është i policise private e cila paguhet nga klubi i kuq për rregull në stadium.
“Cfarë faji ka Partizani që cohen 4 tifoze dhe futen në fushë. Kjo është cmenduri. Cfarë përgjegjësie ka klubi kur paguan për të marrë një shërbim dhe ky shërbim nuk realizohet. Partizani nuk mund të humbasë ndeshjen ne tavoline”.
Bulku i quan arbitrat të paaftë.
“Janë të paaftë. Ne i shohim edhe tek moshat. Ata flene në fushë me kuptimin e plotë të fjalës. Kur ata nuk dinë të menaxhojnë një ndeshje të moshave imagjonini si do sillen në ndeshje me presion. Unë e them me bindje te plotë se Flamurtari në këtë sezon është ekipi më i penalizuar nga gjyqtarët. Madje nuk e di se ku e gjëjnë forcen që ecin përpara trajneret e Flamurtarit me gjithë këto padrejtësi që iu bëhen”.
Sa i takon derbit, Bulku si një ish thotë se të dyja ekipet janë në forme të mirë. Sa i takon atmosferes, ai thote se asnje ndeshje nuk ka te krahasuar me derbin ndonese dikur sipas tij ka qene nje derbi BIO, tani dicka ka ndryshuar.
“Gjaku bardheblu është me rëndësi për Tiranën. Skuadra është në kulmin e formës por edhe Partizani është i qetë pasi ka diference të mirë me Kukësin. Tirana sot po hedh themelet për të ardhmen por nuk mund të krahasohet kurrsesi me Tiranën time, atë të dikurshëm, është goxha larg saj”.
