Ish gjyqtari I FIFA, Bujar Pregja tha në emisionin “Kampionët” se niveli I arbitrimit në kampionatin shqiptar I përshtatet nivelit të lojës së ekipeve.
Ai shtoi se gabimet e gjyqtarëve janë normale, dhe shembujt të kësaj situate I shohim edhe ne nivele te larta në kampionate të mëdha dhe champions.
“Gabime arbitrimi ka, gabime ka në të gjithë botën. I pamë edhe në champions, kështu që janë normale. Nuk mendoj se dhuna vjen nga gjykimet e arbitrave, ka një sërë faktoresh që prodhon dhunë. Acarime po, jam dakort që ka pasur dhe do të ketë nga vendimet e gjyqtarëve.”
Bujar Pregja e konsideroi kampionatin aktual të mirë, pavarësisht disa problematikave të hasura në ndeshje të vecanta.
“Rolin kryesor në një ndeshje e kanë lojtarët jo gjyqtari. Arbritri është pjesë e lojës me të mirat dhe të këqijat e veta. Them që gjykimet kanë qënë të mira, gabime do të ketë. Shikoni kampionatin Italian dhe do ta kuptoni. Pozicionimi I skuadrave në fushë nuk është I ndikuar nga gjyqtarët.”