Ekspertët e Bankës së Shqipërisë kanë matur sjelljen e bankave tregtare që operojnë ne vend, në aspektin e konkurrencës për periudhën 2002-2015 dhe kanë arritur në konkluzionin se sistemi bankar në Shqipëri operuan në një mjedis konkurrues transparent dhe jo monopolist.
Eksperti Gert Shijaku nga Departamenti i Kërkimeve në Bankën Qendrore citon në studimin e pergatitur prej tij, se “konkurrenca midis bankave të ndryshme, evidenton se bankat e vogla shfaqin një shkallë më të lartë konkurrence në krahasim me bankat e mëdha, të cilat kanë arritur të përfitojnë më shumë në aspektin e prezencës në treg, veçanërisht pas vitit 2010”.
Çështja e konkurrencës në sektorin bankar ka tërhequr mjaft interes vitet e fundit, për shkak të krizës financiare, por edhe për shkak të globalizimit, liberalizimit të tregjeve financiare në mbarë botën dhe harmonizimit bankar. Krahas shqetësimeve të zakonshme në lidhje me konkurrencën, çështja merr rëndësi për sektorin bankar për shkak të rolit të saj vendimtar në aktivitetin jofinanciar. e.xh
