Naxhim Lashraui, terroristi që gjurmonte policia belge, është kamikazi i dytë që ka hedhur veten në erë në shpërthimin e dytë në aeroport. Lajmi bëhet i ditur nga agjencia franceze e lajmeve, e cila citon burime te policisë. Ekspertët kanë dalë në këtë konkluzion përmes AND-së së kamikazit. Me herët dhe dy vëllezërit El Bakraui u konfirmuan zyrtarisht si atentatorët e sulmit ne aeroport, ku mbeten te vrare 34 viktima e 260 te plagosur. Ne nje reagim te mëparshëm, kryeprokuori belg njoftoi se arrestimi i kryeterroristit të Parisit Salah Abdeslam, i cili pranoi të bashkëpunojë me policinë për të shmangur ekstradimin ne Francë, duket se ka nxitur bashkëpunëtorët e tij të kryejnë sulmet terroriste në Bruksel. Njësitë e antiterrorit, pasi kanë kërkuar në apartamentin e dy vëllezërve kamikaz ne shpërthimet e aeroportit, Kalid dhe Brahim El Bakraoui dhe kanë gjetur 15 kilogramë tritol dhe një shënim te hedhur ne kosh. Behet fjalë për një mesazh i rikuperuar nga ekspertet, qe është shkruar nga kamikazi Brahim El Bakraoui;
“Te jesh gjith kohes në levizje. Nuk di cte bej, të jesh në kërkim kudo, të mos jesh i sigurt. Nëse kjo zgjat une do të përfundojë në një qeli bashke me të.”
Sipas prokurorit belg mesazhi i referohej terroristit Abdeslam. Ky i fundit mund te dekonspironte vendndodhjet dhe planet e tyre. Apartamenti i tre terroristëve është zbuluar pas dëshmisë së një taksisti, i cili tha se i kishte shoqëruar ata ne aeroport. Ne dëshminë e tij, taksisti pohon se i kishin tërhequr vëmendjen çantat e shumta qe kishin me vete dhe fakti qe nuk e kishin lejuar ti prekte. Ata kishin kërkuar transport me furgon, por kompania e taksive kishte dërguar nje taksi dhe disa çanta te tyre nuk u transportuan. Kjo shmangu edhe pasojat me te mëdha te tragjedisë.
Tre kamikazët e Brukselit
