Broja nuk e ndal dot Liverpool-in, titulli në Angli vendoset të dielën

Titulli në kampionati anglez, ashtu sikurse edhe Serie A do të vendoset vetëm në ndeshjen e fundit. Suksesi i Liverpool me përmbysje 2-1 kundër Sauthempton në duelin përmbyllës të javës së parafundit, bëri që distanca mes Manchester Citit dhe djajve të kuq të jetë vetëm 1 pikë. Sauthempton u përpoq ti vinte stërkëmbësh skuadrës së Jurgen Klop në Sent Merri. kërcënimi i parë erdhi nga Armando Broja, titullar në këtë ndeshje. Me të kaluar disa minuta, vendasit shpërthyen në festë pas një goli shumë të bukur të Redmond. Liverpol reagon fort dhe pas 13 minutash ia del të barazojë me anë të Minaminos. Kualiteti në sulm për shkak të mungesës së treshes Mane, Salah dhe Diaz nuk është i duhuri, e po ashtu edhe lodhja pas 120 minutave në kupë ndihet jo pak, pavarësisht se miqtë luajnë më mirë sesa të zotët ë shtëpisë. Për të zgjidhur ndeshjen dhe për ta kthyer Liverpulin të besoje tek titulli, mjafton një gol i Matip në minutën e 67. Përtej vuajtjes finale si pasojë e presingut të Sauthempton, Klop dhe të tij të e çojnë garën për titull në 90 minutat e fundit të dielën aty ku shpresojnë të marrin një nder të madh nga Stivcen Xherard, legjenda e kuqe që drejton Aston Vilen, rivalin e fundit të Manchester Cityt në kampionat. Ndërkohë vetë Liverpul duhet medoemos të bëjë detyrën në shtëpi kundër Wolverhampton.