Britania me sytë nga Ballkani
Edhe pse Britania është ne pritje te nisjes zyrtare te negociatave per largimin nga Bashkimi Europian, vëmendja e saj per Ballkanin Perëndimor mbetet maksimale. Nje fakt i tille është konfirmuar nga kryeministrja Tereza May, e cila njoftoi se samiti i vendeve te Ballkanit Perëndimor per vitin 2018 do te zhvillohet ne Londër, pas takimit te këtij viti ne Rome. May i ka kërkuar udhëheqësve te bllokut te bëjnë me shume per te mos e lëne rajonin nen ndikimin rus.
Rreziku rus ne Ballkan e ka detyruar edhe vete euroskeptikun Zhan Klod Junker te beje deklarata pro integrimit te shpejte te vendeve te rajonit tone. Junker u shpreh ne samitin e liderëve te BE-se se perspektiva e Ballkanit është e qarte, anëtarësimi ne Union, edhe pse vete kreu i Komisionit Europian kishte deklaruar se nuk do te ketë anëtarësime te reja deri ne vitin 2020.
Edhe presidenti i rizgjedhur per nje mandat te dyte ne krye te Këshillit Europian, Donald Tusk, shprehu shqetësim per rritjen e ndikimit rus ne Ballkan, duke theksuar nevojën per te bere me shume. Sipas tij, situata e brishte e politikes se brendshme ne disa vende ballkanike, shoqëruar me rritjen e influencës se Moskës, mund te sjelle përshkallëzime dhe tensione ne Ballkan.
