Parlamenti britanik ka zgjedhur kryetarin e ri politikanin Lindsay Hoyle, duke zëvendësuar John Bercow.
Sipas mediave britanike, ligjvënësi veteran i Laburistëve u zgjodh nga deputetët të hënën, vetëm dy ditë para se Parlamenti të vendoset të shpërndahet përpara zgjedhjeve të përgjithshme muajin tjetër.
“Kjo Shtëpi do të ndryshojë, por ajo do të ndryshojë për mirë”, premtoi Hoyle pas zgjedhjeve të tij. Ai tha se shpresonte që Parlamenti të jetë përsëri një “shtëpi e madhe e respektuar, jo vetëm këtu, por në të gjithë botën”.
Në fjalën e tij të pranimit, Hoyle i kushtoi disa fjalë edhe vajzës së tij të ndjerë Natalie Leëis-Hoyle, e cila vdiq vitin e kaluar, në moshën 28 vjeç.
Hoyle shërbeu si Zëvendëskryetar për nëntë vitet e fundit dhe mundi shtatë kandidatë të tjerë për të arritur postin e tij të ri. Në përputhje me traditën, Hoyle u tërhoq fizikisht drejt karriges së folësit nga ligjvënësit e tjerë pas votimit.
