Parlamenti Evropian ka miratuar këtë të mërkurë marrëveshjen për largimin e Britanisë së Madhe nga Bashkimi Evropian.
Anëtarët e PE pranuan kushtet e vendosura nga Mbrëtëria e Bashkuar për largimin dhe miratuan me 621 vota pro Marrëveshjen e Brexit.
Disa prej eurodeputetëve në fjalën e tyre deklaruan se shpresojnë që Britania e Madhe të rikthehet një ditë në familjen evropiane. Në fund u këndua edhe kënga e lamtumirës. Pas votimit në Parlamentin Evropian, Britania do të largohet të premten.