Britania e Madhe hap shkollat/ Lehtësohen lëvizjet edhe brenda shteteve të BE

Miliona nxënës në Britaninë e Madhe i janë rikthyer bankave të shkollës këtë të hënë, pas më shumë se 2 muajsh mbyllje. Mësimi nisi për nxënësit e moshave 4-6 vjeç dhe nga 10-11 vjeç.

Vendimi për hapjen e shkollave më 1 qershor, u bë i ditur nga kryeministri Boris Johnson, i cili njoftoi lehtësimin e masave për rikthimin në normalitet. Por rihapja e shkollave në katër rajonet në Britani, Angli, Skoci, Uells, Irlandë e Veriut nuk është mirëpritur nga shumë prindër. Shqetësimet erdhën pas infektimit të një personi në një shkollë verore.

Nga ana tjetër, edhe pse vendi vijon të mbajë në fuqi rregullat e distancimit social, shumë britanikë nuk duken të shqetësuar. Në fundjavë ata u dyndën në masë nëpër plazhet e vendit. 

Nderkohe, Qeveria Gjermane ka bërë të ditur se në 15 qershor, do të heqë kufizimet me 31 vende në kontinentin e vjetër. Në këtë listë do të jetë edhe Britania e Madhe. 

Edhe Italia po bëhet gati të heqë kufizimet për turistët e huaj më 15 qershor. Nga ana tjetër Zvicra i ka bërë thirrje qytetarëve të saj të jenë të kujdesshëm me Italinë, ndërsa kufiri vijon të jetë i mbyllur. Austriakët dhe Gjermanët lejohet të hyjnë në Itali, por qytetarët Italianë e kanë të ndaluar të udhëtojnë në këto vende.

Situata paraqitet ndryshe në Spanjë, vend ii cili ka nisur rreth 1 muaj më parë planin e hapjes graduale. Kryeministri Pedro Sanchez tha se do të kërkojë nga parlamenti zgjatjen e gjendjes së jashtëzakonshme edhe për 2 javë.