Kryetari i Bashkisë së Tiranës, Erion Veliaj priti në një takim përfaqësuesin për tregtinë nga Britania e Madhe. Veliaj shprehu mirënjohjen për mbështetjen që Britania ka dhënë për vendin tonë ndër vite.
ERION VELIAJ
KRYETAR I BASHKISE TIRANE
“Marrëdhënia e veçantë mes Britanisë së Madhe dhe Shqipërisë është përtej dy krahëve të politikës. I dërguari special i Kryeministrit Boris Xhonson për Ballkanin është këtu për të fuqizuar marrëdhëniet tregtare, qofte ne industritë kreative, qofte mes të rinjve.”
Martin Vickers, i deleguari i Boris Johnson, tha se Mbretëria e Bashkuar është e interesuar për investime në Tiranë.
MARTIN VICKERS
PERFAQESUESI PER TREGTINE I BRITANISE SE MADHE
“Besoj që ky është një mesazh i qartë nga Mbretëria e Bashkuar, se po tregojmë një interes më të ngushtë. Shikojmë mundësi që ju mund të rrisni ekonominë tuaj. Ju keni të rinj, që janë një krah pune dinamik dhe ne do të donim të punonim ngushtësisht bashkë. Unë shpresoj që kompanitë britanike të vijnë këtu dhe të investojnë në mënyrë të sigurt, ato duhet të sigurohen që të kenë mjedisin e duhur për të punuar, çka unë mendoj se është duke marrë formë në Tiranë.”
Kryebashkiaku Veliaj theksoi se investimet britanike pritet që të shtohen në të ardhmen.
