Mbretëria e Bashkuar është në bisedime me Francën dhe Arabinë Saudite për njohjen e shtetit palestinez në një konferencë në qershor që do të thirret nga të dy vendet. Sipas David Lamyt, qëllimi është të mbahet gjallë rruga politike drejt një zgjidhjeje me dy shtete në Lindjen e Mesme.
Njohja e një shteti palestinez nga dy anëtarë të përhershëm të Këshillit të Sigurimit të OKB-së do të ishte një mesazh i fortë në lidhje me Palestinën. Megjithatë, pritet të ketë shumë pengesa diplomatike, duke qenë se ende nuk është e qartë se çfarë po propozon Franca dhe fakti që Izraeli e refuzon zgjidhjen me dy shtete, ndërsa ka kritikuar ashpër deklaratat e presidentit francez.
“Njohja në kontekstin e një zgjidhjeje me dy shtete”
160 shtete e kanë njohur Palestinën, përfshirë së fundmi Spanjën, Norvegjinë dhe Irlandën, dhe vuri në dukje.
“Askush nuk ka të drejtë vetoje për të përcaktuar se kur Mbretëria e Bashkuar do ta njohë këtë shtet palestinez. Ne gjithmonë kemi thënë se njohja nuk është qëllim në vetvete dhe ne do të preferonim njohjen si pjesë të një procesi për një zgjidhje me dy shtete”, tha sekretari i Jashtëm, David Lamy.
Lamy gjithashtu vuri në dukje se në bisedimet me Katarin javën e kaluar ai theksoi se çdo zgjidhje afatgjatë do të kërkonte që Hamasi të mos jetë në qeverinë në Gaza dhe që udhëheqja e saj të largohet.
Ai argumentoi se duhet të ketë një proces të demilitarizimit të plotë, të ngjashëm me atë që ndodhi pas Marrëveshjes së të Premtes së Madhe në Irlandën e Veriut.
“Është e papranueshme që çdo grup njerëzish të jetojnë pa shtet për më gjatë se sa kam qenë unë gjallë”, shtoi ai./vizionplus.tv
