Një ngjarje e rëndë ka tronditur rajonin e Yorkshire në Britaninë e Madhe, ndërsa një deputete nga radhët e partisë laburiste është qëlluar per vdekje me armë zjarri nga një person i armatosur. Ligjvënësja Jo Cox ndërroi jetë ne spital. Ajo u qellua nga një 52 -vjeçar. Ky i fundit është arrestuar ne Birstall, ne veri te Anglisë. Por ndërsa policia vijon hetimet dhe merr në pyetje dhe autorin e këtij krimi për motivet e sulmit, dëshmitarët në vendin e ngjarjes rrëfejnë momentin tragjik. Ata thonë se deputetja laburiste është sulmuar pranë një librarie. Fillimisht ajo u godit ne trup dhe më pas autori qëlloi me arme në pjesën e qafës. Ky i fundit ishte i armatosur edhe me një thikë. Pas krimit, ai u largua duke e lënë 41-vjeçaren, nënë të dy fëmijëve të mbuluar nga gjaku në tokë.

Leave a Reply

Your email address will not be published.