Britani, debat për Referendumin

Debati per qëndrimin ose largimin e Britanisë nga Bashkimi Europian mbetet i ndezur ne vend, ku edhe vete qeveria eshte e ndare ne qëndrime. Zërave qe mbështesin kryeministrin Cameron per mbetjen e vendit ne union, i është shtuar edhe sekretari i Mbrojtjes, Michael Fallon. Sipas tij, Britania do te luante bixhoz me sigurinë nese do te braktiste bllokun, pasi partneriteti me BE e ben me te thjeshte perballjen me kërcënimet globale. Fallon përmendi faktin se përmes BE-se shkëmbehen informacione per kriminelet, per pasagjeret dhe bashkëpunohet ne luftën kundër terrorizmit, apo ndaj agresionit rus. Po kështu Britania ka përfitime nga përfshirja ne organizata si NATO apo OKB. Megjithëse 6 ministra te kabinetit po bejne fushate kundër qëndrimit ne union, sipas sekretarit te Mbrojtjes shumica e kabinetit mbështet Cameron. Vete kryeministri me herët mori nje goditje nga kryebashkiaku i Londres, Boris Johnson, qe deklaroi se vendi do te kishte nje te ardhme me te mire jashte BE-se. Ndërkaq, gazeta Financial Times ka raportuar se gjysma e 100 kompanive me te medha te vendit po përgatiten te mbështesin fushatën e shefit te qeverise per te mbetur pjese e unionit.