Peshëngritja është një sport që gjithmonë ka sjellë suksese për kombëtaren kuqezi dhe këtë vit në lojrat olimpike pritshmëritë janë të larta. Briken Calja është një nga 9 sportistët e skuadrës kuqezi që do të udhëtojë për në Tokio 2020.
Peshëngritësi u kualifikua me normë së bashku me shtangistin tjetër Erkand Qerimaj dhe atleten Luiza Gega. Në prag të këtij kompeticioni kaq të rëndësishëm , Calja tha për Vizion Plus se cdo gjë po shkon mirë dhe forma e tij është e kënaqshme.
BRIKEN CALJA – PESHËNGRITËS
Po gëzoj një formë jashtëzakonisht të mirë. Jam stërvitur cdo ditë . E ndjej veten gati për të triumfuar dhe pse gjithë punën e këtyre vite ta shpërblejë me një medalje në olimpiadë
Shtangisti tregoi se falë punës së palodhur në gjithë këto vite, pritshmërite janë të mëdha.
BRIKEN CALJA – PESHËNGRITËS
Brikeni në cdo kompeticion që merr pjesë synon gjithmonë maksimalen. E di vështirësia që kanë lojrat olimpike por mndoj se me punë , stërvitje edhe pak fat gjithmonë do ja dalim.
Djaloshi nga Elbasani u shpreh se ketë vit mbështetja për sportistët e olimpiadës është maksimale.
BRIKEN CALJA – PESHËNGRITËS
Këtë vit si asnjëherë më parë , mbështetja ka qënë maksimale. Nuk na ka munguar asgjë dhe kushtet kanë qënë gjithmonë të favorshme , kjo rrit besimin se në lojrat olimpike dhe rezultatet do të jenë të kënaqshme.
Në prill të këtij viti Briken Calja rrëmbëu dy medalje në kampionatin europian të Rusisë ndërsa 3 vite më parë u shpall kampion Europe në Bukuresht.
