Shtate vendet me te industrializuara te botes ndajnë qëndrimin se braktisja e Bashkimit Europian nga Britania do te përbente kërcenim serioz per rritjen ekonomike globale. Ne deklaratën finale te takimit te G7 ne Japoni, grupi paralajmëroi se dalja nga unioni do te ndryshonte trendin e rritjes se tregtisë globale, investimeve dhe te vendeve te punës. Investitorët jane nervoze se si do te ndikonte Brexit ne panoramën e ekonomisë botërore. Prioriteti kryesor përballe kërcënimeve per ekonominë dhe sigurinë ne Europe, per keto vende është rritja ekonomike. Shqetësimet per pasojat e largimit te Mbretërisë se Bashkuar vijnë, ndërsa britaniket ne 23 qershor do te votojnë ne nje referendum per kete çështje. Kryeministri David Cameron kryeson fushatën ne mbështetje te qëndrimit, por edhe anëtare te qeverise se tij i kane dale kundër. Bisedimet ne samitin e liderëve te SHBA, Kanadasë, Britanisë, Frances, Italise, Gjermanisë dhe Japonisë u përqendruan edhe tek kriza e emigranteve. Ata e vlerësuan ate si sfide globale qe kerkon përgjigje globale, me rritjen e ndihmave nga institucionet ndërkombëtare dhe vendet donatore. Ndërsa shprehen shqetësim per rritjen e sulmeve terroriste veçanërisht nga Shteti islamik qe kercenojne paqen e sigurisë, liderët e G7 theksuan se duhen luftuar burimet e financimit te tij.
