Brazili është gjithnjë e më afër kualifikimit për në botërorin e Rusisë 2018. 5 herë kampionet e botës morën një fitore te madhe 4 me 1 në transfertën shumë të vështirë te Uruguait duke u shkëputur në vendin e parë me 30 pikë, 7 më shumë pikërisht sesa skuadra Seleste. Kjo e fundit duhet te kënaqet vetëm me arritjen individuale te trajnerit Tabarez i cili kundër Brazilit drejtoi për herë të 168 Uruguain, thënë ndryshe një rekord absolut në historinë e futbollit botëror për numrin e ndeshjeve që një trajner drejton një ekip përfaqësues. Sa i takon kronikës, duhet thëne që ndeshja nisi keq për Brazilin, pasi Kavani kaloi të zotët ë shtëpisë në avantazh, por më pas nis shou i Paulinjos. Fillimisht mesfushori që luan ne Kine shënoi një supergol nga distance më pas në startin e pjesës së dytë, përmbysi shifrat më nje tjeter gol. Më pas në të 74 ishte Nejmar që i coi shifrat në 1 me 3 ndërsa në fund sërish Paulinjo vulosi fitoren me goleade të miqve. Për pasojë Uruguai përfshihet në garqën spektakolare të kualifikuesve të Amerikës së Jugut, pasi me 5 ndeshje ende për t’u luajtur, kjo kombëtare ka vetëm 1 pikë më shumë sesa Argjentina, e cila mori një fitore tepër të rëndësishme 1 me 0 në shtëpi kundër Kilit në një përballje tepër delikate që u vendos nga një penallti e dyshimte që iu dha vendasve në minutën e 16. Megjithatë Messinga 11-metrat ishte i saktë, duke rikthyer qetësine tek Argjentina, e cila po vuan shumë ne këto eleminatore. Edhe Kolumbia mori nje fitore jetike ne fushën e vetë, duke mundur 1 me 0 Bolivine falë një goli vetëm në fund të takimit të Hames Rodriges, duke u ngjitur e katërta ne renditje me 21 pikë. Rreshket në vendin e 5 ndërkohe Ekuadori që u mund 2 me 1 në fushën e Paraguait, duke i dhënë mundësi pikërisht kësaj kombëtareje që të futet ne loje për kualifikimin, pasi 18 pikë, vetëm 2 më pak sesa Ekuadori i vendit te peste. Për momentin nga ekipet e mëdha Kili është jashtë zonës se kualifikimit.
