Partia e Lirisë nuk do të bëhet pengesë për Primaret e Partisë Demokratike, pasi fokusi i tyre do të jenë këshillat bashkiakë.
Këtë deklaratë e ka bërë mbrëmjen e sotme Endrit Braimllari në studion e Quo Vadis në Vizion Plus.
Për ne e rëndësishme është që këshillat bashkiak të hapen për qytetarët, ndaj edhe fokusi yne do te jete me shume aty. Sot Keshillat Bashkiake jane inekzistente. Me thoni mua, kush e njeh Kryetarin e Keshillit Bashkiak ne Tirane, apo ne nje qytet te madh si Durresi? Ne do mbështesim kandidatët që dalin nga Primaret, por edhe nëse PD do kete në marrëveshje me aleatët që një bashki ti përkasë një partie tjetër, ne do i mbështesim”, tha ai.
Sekretari Organizativ i Partise se Lirise shtoi se Ilir Meta nuk e ka perjashtuar kandidimin e emrave nga kjo force politike, por ne cdo rast fokusi kryesor do te jete tek mbeshtetja e emrave qe i garantojne sukses opozites ne zgjedhje.
