Pamje të reja të yllit të Hollywood janë shfaqur, dhe janë tronditëse. Brad Pitt është fotografuar ndërkohë që ecte në rrugët e Los Angeles dhe dukej shumë më i dobët dhe shumë më i zbehtë se zakonisht.
“Daily Mail” bën me dije se aktori 53-vjeçar e ka kyçur veten e tij në studion artistike në L.A, duke “mjekuar” zemrën e tij të thyer, pas ndarjes nga bashkëshortja e tij prej vitesh, Angelina Jolie. Babai i gjashtë fëmijëve, i cili shpeshherë është cilësuar si “njeriu më seksi në botë”, dukej si një hije e vetes së tij të mëparshme. Duket se divorci nga Angelina dhe lufta e shëmtuar ligjore e kanë vënë përfund Brad-in.