Tradita e ‘Boxing Day’ do rikthejë këtë të hënë në fushë skuadrat e Premier Leagues,të cilat janë gati të dhurojnë emocione për tifozët. Në Angli kjo njihet si dita e dytë e Krishtlindjeve ku hapen dhuratat dhe që në këtë rast presin që skuadrat të bëjnë spektakël përpara tifozëve.
Sot do të luhen 7 ndeshje dy prej të cilave janë më të rëndësishme dhe të shumëpritura nga sportdashësit. Aston Villa pret në shtëpi Liverpool, ndërsa Arsenal do të përballet me West Ham. Skuadra e Jurgen Kloop ka 22 pikë de renditet në vendin e 6 pas 14 ndeshjeve dhe nga sot do tentojnë të rikuperojë humbjet . Megjithatë për Liverpool nuk do jetë aspak e lehtë pasi do ketë shumë mungesa. Deri më tani mungon Luis Diaz, Diego Jota, Roberto Firminho, Milner, ndërsa në pikëpyetje janë Alexander-Arnold dhe Konate. Nga ana tjetër, Aston Villa duhet të luajë pa Diego Carlos dhe Ramsey, ndërsa në pikëpyetje është Coutinho.
Edhe Arsenal, surpriza e këtij sezoni do kërkojë të ruajë kreun e kampionatit. ‘Topçinjtë’ do të luajnë Derbin londinez në orën 21. Mungesa e rëndësishme për Arsenalin është Gabriel Jesus, i cili është dëmtuar gjatë botërorit. Megjithatë në letër Ëest Ham duket një kundërshtar tepër i lehtë përballë kryesuesve të kampionatit.
‘Boxing day’ në Premier League ka sjellë historikisht një lumë golash, duke thyer edhe rekorde.
