Vëmendja e gjithë botes është përqendruar tek referendumi qe do te vendose fatin e Britanisë. Ajo qe i tremben me shume liderët europiane është copëzimi i unionit, pasi Brexit do te shkaktonte efekte edhe ne vende te tjera qe do te kërkonin referendum te ngjashme. Pak kohe me pare presidenti i Këshillit Europian Tusk paralajmëroi se largimi do te kërcënonte civilizimin politik perëndimor. Per politikanet rezultati do te jete nje tregues i marrëdhënieve te vendit me Europen dhe per kete arsye liderët botërore, përfshire edhe presidentin amerikan Obama kane përcjelle mesazhe pro qëndrimit ne union. Edhe tregjet financiare presin me ankth rezultatin. Tregtare, investitorët dhe kompani presin nje luhatje te tregjeve financiare, pavarësisht rezultatit. Drejtuesit e financave te shtate ekonomive me te zhvilluara do te dalin ne nje deklarate ku te shprehin gatishmërinë per te marre te gjitha hapat per te qetësuar tregjet, nëse rezultati do te jete dalja nga unioni. Një largim do te çonte ne ulje te vlerësimit per vendin nga agjencia “Standard and Poor’s”. Mbështetësit e fushatës per te qëndruar kane theksuar se ne rast largimi do te dëmtohej ekonomia, siguria dhe statusi i vendit, por ata qe e duan vendin jashtë familjes europiane thonë se mund te kontrollojnë emigracionin dhe pushteti do te kthehej nga Brukseli tek Londra.
