Nevojitet një Evropë e bashkuar dhe një përpjekje më e madhe e NATO-s, për t’u përballur me kërcënimin terrorist që vjen nga ISIS. Kështu është shprehur presidenti amerikan Barak Obama, duke folur nga Hanoveri, në vizitën e tij dyditore ne Gjermani. Obama tha se SHBA do të dërgojë 250 trupa të tjerë, të cilët do të asistojnë ushtrinë irakene për të luftuar ISIS.
“Shtetet e Bashkuara te Amerikës dhe e gjitha bota kane nevoje per një Evrope te bashkuara. Pa këtë uniteti nuk mund të ketë një përgjigje të përbashkët te Evropës dhe të NATO-s në luftën kundër organizatës terroriste ISIS. Unë kam miratuar një forcë speciale prej 250 ushtarësh amerikan, të cilat do të mbështesin trupat irakene në këtë luftë. Ata do t’i bashkohen një tjetër grupi ushtarak, të cilët aktualisht drejtojnë operacionet në Siri”.
Kjo është vizita e fundit zyrtare e kreut te Shtëpisë së Bardhë në Gjermani. Obama mban një mini samit informal me kancelaren Merkel, kryeministrin britanik Kameron, presidentin francez Holond dhe kryeministrin italian Renzi për të diskutuar çështje si kriza e refugjatëve dhe lufta ndaj ISIS.
