Përfaqësuesi i Lartë i Bashkimit Evropian për Politikë të Jashtme dhe Siguri, Josep Borrell diskutoi online me kryeministrin Edi Rama këtë të martë për procesin e anëtarësimit të Shqipërisë në BE.
Borrell vuri në dukje se mbështet Shqipërinë në BE dhe tha se është e rëndësishme të ruhet marrëdhënia BE-Ballkani Perëndimor.
“Unë e mirëpres angazhimin e Shqipërisë për të ecur përpara në rrugën e pranimit në BE. Siç diskutova me kryeministrin Rama, është thelbësore të ruhet dinamika e marrëdhënies BE-Ballkan Perëndimor. Shqipëria luan një rol të rëndësishëm”, tha ai në “Twitter”.