Teksa shumë vende po pezullojnë përdorimin e saj, kryeministri i Britanisë së Madhe, Boris Johnson do të vaksinohet me AstraZeneca-n. Diçka të tillë e konfirmoi ai vetë gjatë seancës parlamentare.
“Unë do të vaksinohem shumë shpejt. Padyshim që do të bëj vaksinën AstraZeneca”, u shpreh Johnson.
Qeveria britanike ka siguruar se vaksina AstraZeneca nuk përbën asnjë rrezik. Një deklaratë e tillë vjen në një kohë kur janë ngritur pikëpyetje nëse AstraZeneca shkakton trombozë, pas shënimit të disa rasteve te të vaksinuarit.
