Subscribe

Vijojnë reshjet e dëborës në Korçë. Fshatrat turistikë Voskopojë e Dardhë janë zbardhur, ndërsa nuk raportohen problem ne qarkullimin e mjeteve. Borëpastruesja ka nisur që pasditen e së dielës punën dhe shpërndarjen e kripës në akset ku kalojnë turistet.

 

Edhe në veri të vendit kanë nisur reshjet e dëborës, madje me intensitet të lartë. Që në orët e para të mëngjesit, Kukësi është përfshirë nga reshje të dendura. Në qytet trashësia e borës arin në disa centimetra.

 

Aksi Kukës – Tunel i Kalimashit në rrugën e Kombit, në orët e para të mëngjesit pati probleme pas nisjes së  reshjeve. Gjashtë borëpastruese nisën menjëherë nga puna për pastrimin dhe hedhjen e kripës. Aktualisht në rrugën e kombit  qarkullimi është normal  dhe bëhet pa zinxhir.

 

Reshjet e dëborës kanë zbardhur edhe Peshkopinë e Bulqizën. Në qytet trashësia arrin deri në 10 cm, ndërsa në zona të thella si Lura dhe Kalaja e Dodës mbi 40 cm. Rrugët kombëtare janë të kalueshme, ndërsa aksi Peshkopi-Kukës dhe Peshkopi-Librazhd kalohen vetëm me zinxhirë.

 

Temperaturat do të vijojnë të jenë të ulëta e për pasojë reshjet e dëborës pritet të vazhdojnë. Deri më tani nuk është raportuar për probleme me energjinë elektrike apo furnizimin me ujë të pijshëm, ndërsa bashkitë janë  në gatishmëri për situatën.

Leave a Reply

Your email address will not be published. Required fields are marked *