Megjithese skuadra ne këtë edicion po fiton si në kampionat ashtu edhe në champions, drejtuesit e Psg po mendojnë për një trajner të madh vitin e ardhshëm.
Fillimisht pati shumë zëra në lidhje me një kalim të mundshëm të Mourinho në Paris, por nga Franca ka ardhur një lajm bombë i të përditshmes prestigjoze “Le Parisien” e cila shkruan se sheiku Al Khelaifi tashmë ka kontaktuar me Antonio Conten. Italiani duket se do ta mbyll shpejt aventurën në Angli me Chelsea në fund të këtij sezoni dhe nuk përjashtohet mundësia që të lëvizë drejt PSG, aq më teper që trajneri aktual i klubit francez, Unai Emeri e ka kontratën deri në 30 qershor 2018.
Conte fiton 11 milion euro në sezon tek Chelsea por kjo shumë nuk është aspak problem për miliarderet e PSg të cilët shohin tek strategu italian, njeriun që mund ti udhëheqë drejt sukseseve në Europë. Tani për tani drejtuesit e ekipit parizien e kanë përgenjeshtruar këtë lajm, por “Le Parisien” shprehet e sigurt se në javët në vijim do të ketë të tjera bisedimë në këtë aks. Një tjetër klub që kërkon shërbimet e Contes është edhe Milan.
