Bologna ndal Juventusin

Juventus ndal serinë e fitoreve, pasi nuk ka shkuar përtej barazimit 0-0 ndaj Bologna, në ndeshjen që u luajt të premten në mbrëmje, për shkak të impenjimit të bardhezinjëve në Champions League, mesjavën e ardhshme. Skuadra e Allegrit nuk bëri asnjë goditje në kuadrat ne nje ndeshje pa ritëm, por megjithatë mbetet ne krye te Serise A ne pritje te sfides se Napolit me Milanin ditën e hene. Gjatë pjesës së parë, Juventus krijoi vetëm dy mundësi shënimi dhe në të dyja rastet gjatë goditjeve standarte. As Bologna nuk e goditi asnjëherë portën e Buffon në 45 minutat e para. Situata nuk ndryshoi as në pjesën e dytë dhe Juventus nuk arriti ta kthejë në gol qarkullimin e madh të topit. Tentativat e Alvaro Morata dhe Paul Pogba nuk kishin shënjestrën e duhur, teksa Bologna e drejtuar nga Donadoni mendoi më shumë për t’u mbrojtur dhe mbetet në mes të renditjes së Serie A, në vendin e dhjetë me 34 pikë.