Blushi: U shkel statuti

Ashtu sikurse kishte paralajmëruar, deputeti Ben Blushi nuk ka votuar në referendumin për legjitimitetin e mandatit të kreut të PS. Për Blushin, ky  proces ishte diçka e sajuar. “Sot nuk votova për referendumin që u sajua për të më hequr të drejtën e kandidimit. Ky referendum u krye në shkelje të plotë të statutit dhe rregullave të partisë”, thuhet në deklaratën qe deputeti socialist u ka shpërndare mediave. Më tej deputeti shton se listat u reduktuan me 20 për qind, ndërkohë që për të bërë të mundur pjesëmarrjen duhet të jenë 50% + 1. “Nuk u lejua të ketë as fushatë, as vëzhgues dhe as verifikim të listave të zgjedhësve, thekson Blushi.