Nga Lëvizja e Mendimit Ndryshe tek ajo per Demokraci. Ben Blushi ka konfirmuar lindjen e nje fraksion te ri brenda Partisë Socialiste. Detyra per ta prezantuar ne asamble iu caktua Maqo Lakrorit, por pjese e saj do te jene Mimoza Hafizi, Rexhep Mejdani, Ndre Legisi, Napik Kopliku e socialiste te tjerë. Platforma e lëvizjes e bere publike tashme synon vendosjen e demokracisë se brendshme. Objektivat e saj përmblidhen ne 7 pika ku përfshihen nga mbrojtja e vlerave e deri tek përgatitja e partisë per fitoren e zgjedhjeve te 2017-es. Ndërkohe propozimin e kryetarit socialist Edi Rama, per zhvillimin e nje referendumi te brendshëm partiak, i cili eventualisht do te vendose mbi fatin e kreut te PS Blushi e konsideroi marrëzi. Blushi kishte nje interpretim te tijin mbi cfare dhe kur mund te thirret anëtarësia e PS per referendum. Ne prononcimin per mediat, ndërkohë qe Asambleja vijonte mbledhjen, Blushi ritheksoi qëndrimin per keqqeverisjen e vendit sipas tij. Këtë fakt e ilustroi me te dhënat e fundit nga INSTAT. Gjate mbledhjes se Asamblesë, Blushi ka theksuar se nëse do vihej përballe nje zgjedhjeje Parti apo Shqipëri, ai padyshim do zgjidhte këtë te dytën.
