Menjëherë pas sulmeve të kandidatit socialist, Spartak Braho për presidentin Ilir Meta, reagoi zëdhënësi i Presidencës, Tedi Blushi.
Ai i postoi në “Facebook” një foto të sikletshme dhe shkroi se është njeri pa karakter.
“O Tak Çiçi, nuk të vjen turp, që sulmon Ilir Metën për llogari të Edi Ramës dhe të gjithë antishqiptarëve, nga Skrapari i patriotëve dhe i atdhetarëve? Ti as sorrë nuk e meriton të quhesh, se edhe sorra e ka një fije karakteri!”
Spartak Braho më herët deklaroi se Ilir Meta është çmendur dhe se mund të krijojë vetëm një çetë vagabondësh.
