Blushi: Ja shkeljet në statut

Ben Blushi nuk ndal kritikat ndaj lidershipit të partisë ku ende militon. Në mbledhjen e grupit parlamentar socialist, ai ka prezantuar një material, përmes të cilit pretendon se faktohen shkeljet statutore në masën 30%, për zgjedhjen e kreut të PS, si dhe organizimin e strukturave partiake. Shqetësimit të deputetit të shpallur si kandidat për kryetar partie, i dha përgjigje deputetja Blerina Gjylameti. Sipas saj, kongresi eshte ai qe do te vendose mbi çështjen e zgjedhjes se kryetarit. Në mbledhjen e deputetëve të PS, pjesë e të cilës vetëm në gjysmën e saj, ishte edhe kryetari Edi Rama, i cili u largua në mes të mbledhjes për shkak të axhendës së paracaktuar, raportuan ministrat Beqja, Gjiknuri dhe Ahmetaj. Ky i fundit tha për mediat se anëtarët e qeverisë dhane sqarime mbi reformat e ndërmarra. Kërkesa për raportim të ministrave ishte bërë pak javë më parë po në mbledhjen e grupit paralmentar nga disa deputetë.