Ish-kryebashkiaku i Nju Jorkut, Michael Bloomberg, nuk do te përfshihet ne garën per president te SHBA. 73-vjeçari, pronar i nje grupi mediatik dhe nje prej njerëzve me te pasur e me ndikim ne vend pritej te kandidonte si i pavarur, duke sfiduar dy kandidatet kryesore te fushatës se deritanishme Donald Trump e Hillary Clinton. Por ne nje leter te hapur te publikuar ne faqen e tij ne internet, ai sqaroi arsyet se perse nuk do te jete kandidat. Përveç pritshmerive per te mos fituar, ai sqaroi se i trembej zgjedhjes se Trump president, nëse do te përfshihej ne gare. Kjo sepse do te përçante votën dhe nëse nuk do te kishte nje fitues te qarte, Kongresi do te duhet te zgjidhte.
“Republikanet dominojnë dy dhomat dhe kandidimi im do te çonte ne zgjedhjen e Trump ose Cruz. Ky eshte nje rrezik qe nuk dua ta marr përsipër”.
Dikur nje republikan, Bloomberg ishte i ashpër ndaj qëndrimeve te kandidateve Trump dhe Cruz ndaj emigracionit.
“Kërcënimi per te ndaluar myslimanet te hyjnë ne SHBA eshte nje sulm ndaj vlerave thelbësore te vendit, tolerancës fetare dhe ndarjes se kishës nga shteti”.
Përveç Trump, Bloomberg kritikoi edhe fushatën e demokratit Bernie Sanders, si përçarës te amerikaneve me demagogjinë e tyre. Bloomberg shërbeu per 12 vjet ne krye te bashkisë se Nju Jorkut. Edhe ne vitin 2008 ai shqyrtoi mundësinë e kandidimit, por hoqi dore, pasi nuk arriti te siguroje shume mbështetje.
