Presidenti amerikan Donald Trump nuk e ka pritur aspak mire vendimin e radhës te nje gjyqtari federal ne Hauai per te bllokuar urdhrin e tij te ri ekzekutiv per ndalimin e shtetasve nga gjashte vende, kryesisht muslimane per te hyre ne territorin amerikan per 90 dite. Ne nje reagim te tij, Trump tha se me këtë vendim, gjyqtari ka shënuar nje humbje te paprecedent te ekuilibrit gjyqësor.
“Do ta fitojmë betejën ligjore. Kushtetuta i jep presidentit fuqinë për të pezulluar hyrjen e shtetasve nga vende te caktuara, kur ai vlerëson se është në interesin kombëtar të vendit tonë. Ky është nje vendim qesharak qe cenon sigurinë tone.”
Gjykatësi e publikoi vendimin e tij vetëm pak ore pasi urdhri i ri i Trump pritej te hynte ne fuqi. Ne argumentin e tij, ai tha se me shume mundësi ky urdhër është antikushtetues, duke shkaktuar dëme te mëdha per shtetin e Hauait dhe qytetaret e tij. Trump tha se pezullimi i urdhrit, të krijuar për të mbajtur “terroristët jashtë vendit”, e bën Amerikën të dukët e dobët. Trump u zotua se do ta luftojë vendimin e gjykatësit dhe se do ta dërgojë atë në Gjykatën Supreme, nëse është e nevojshme. Kjo është hera e dyte qe urdhrat presidenciale per te ndaluar hyrjen e shtetasve nga vendet muslimane pezullohen nga Gjykatat Amerikane.
