Ekspertet e reformës ne drejtësi kane vijuar diskutimet per zbatimin e rekomandimeve te Komisionit te Venecias edhe pa praninë e pjesëmarrësve te opozitës. Këta te fundit bojkotuan tryezën e kapitullit te Kushtetutës për sistemin gjyqësor. Burime nga Partia Demokratike bëjnë te ditur se opozita nuk do te shkoje ne komision, derisa te zgjidhet çështja e emërimeve ne institucionet kushtetuese. Sipas draftit aktual, Prokurori i Përgjithshëm, Anëtaret e KLD dhe ata te Gjykatës Kushtetuese zgjidhen me 84 vota dhe ne kushtet kur maxhoranca i ka numrat, i gjithë sistemi kapet politikisht. Për demokratet zgjedhja e anëtareve ne institucionet kushtetuese duhet te miratohet ose me 93 vota ose opozitës t’i jepet e drejta te përjashtoje 2 kandidate, siç është modeli i zgjedhjes se kreut te KQZ. Ndërkohe sipas burimeve nga tryeza e diskutimeve, behet e ditur se drafti i reformës ne drejtësi do te finalizohet brenda ditës se premte. Projekti do t’i dorëzohet Komisionit te Posaçëm Parlamentar, e me pas atij te Venecias, nga i cili priten konkluzionet vendimtare.
