Dhjetëra mjete të tonazhit të rëndë të cilët transportonin krom nga Bulqiza në drejtim të Durrësit u bllokuan këtë të martë në Qafën e Buallit.
Sipas drejtuesve te mjeteve shkak është bërë një urdhër i ditëve të fundit i policisë që te mos qarkullojnë kamionët me ngarkese mbi 8 tone për shkak te dëmtimit te rrugës .
Drejtuesit e mjeteve paralajmërojnë se do të nisin protestat, nëse problemi i tyre nuk gjen zgjidhje.
Kjo nuk është hera pare qe kamionët e tonazhit të rëndë bllokohen ne rruge .
Policia ka ushtruar vazhdimisht kontrolle ne akset kombëtare për të mos lejuar lëvizjen e mjeteve kur pesha e ngarkesës se tyre kalon 8 tone për aks.