Ishin njoftuar se rruga drejt Dukagjinit ishte e hapur dhe e kalueshme, por pasi kanë mbërritur aty 40 persona janë kapur ne befasi pasi trashësia e dëborës arrinte deri ne një metër. Ata kane mundur te shkojnë deri në malin e Shoshit por më tej kalimi ishte i pamundur. Mes zemërimit e lodhjes ata kane rrëfyer vështirësitë duke mos kursyer akuzat për pushtetin vendor.
Ndërkohë bashkia e Shkodrës justifikohet me faktin se situata është rënduar në pak orë për shkak të rikthimit te reshjeve. Vetëm në njësitë administrative të Shalës e Shoshit, janë mbi 300 familje te cilat jetojnë në kushte shumë të vështira, dhe vuajnë izolimin.
Edhe në Dibër dhe Bulqizë reshjet e dëborës në zonat malore kanë vijuar këtë të premte. Probleme pati në qarkullimin e mjeteve megjithëse borëpastrueset kane qene ne rruge. Reshjet e dëborës te rena gjate orëve te fundit kane rikthyer problemet edhe ne fshatrat e thelle te juglindjes.
