252 orë dore të falsifikuara u zbuluan dhe u sekuestruan në Aeroportin e Frankfurtit.
Autoritetet doganore gjermane bënë të ditur se orët e falsifikuara kishin si destinacion tregun ne Shqipëri.
Mediat vendase ne Frankfurt bënë të ditur se orët e sekuestruara ishin prodhuar në Hong Kong.
Krahas orëve të dorës, u sekuestruan gjithashtu edhe 148 qese prej letre me mbishkrime të falsifikuara të markave të njohura të orëve si “Michael Kors”.
Vlera që orët do të kishin në treg në rast se do të kishin qënë origjinale I kalonte 60 mijë euro
Autoritetet gjermane vijojnë hetimet për zbardhjen e këtij aktiviteti kriminal. Ato bënë të ditur se edhe në 2018 janë sekuestruar mallrat të falsifikuara të markave të ndryshme që vinin kryesisht nga Singapori, SHBA, Hong Kong dhe Emiratet e Bashkuara Arabe.
