Presidenti i Shteteve të Bashkuara, Donald Trump, ka rënë dakord me presidentin e Koresë së Jugut Moon Jee, për të rishikuar një traktat të përbashkët që kufizon zhvillimin e raketave balistike të Jugut. Sipas Shtëpisë së Bardhë, presidenti Trump ka dhënë gjithashtu miratimin për blerje nga Jugu, të pajisjeve ushtarake që kushtojnë miliarda dollarë.
Korea e Jugut dëshiron të rrisë kapacitetin e raketave për të shtuar mbrojtjen ndaj Koresë së Veriut. Kjo e fundit po ndjek programet e armëve bërthamore dhe raketave në kundërshtim me paralajmërimet ndërkombëtare dhe sanksionet e OKB-së.
Të dyja Koretë janë teknikisht në luftë sepse konflikti i viteve 1950-53 përfundoi me armëpushim dhe jo me një traktat paqeje. Veriu kërcënon rregullisht të shkatërrojë Jugun edhe aleatin kryesor të tij, Shtetet e Bashkuara. Koreja e Veriut po punon për të zhvilluar një raketë bërthamore të aftë për të goditur Shtetet e Bashkuara dhe kohët e fundit ka kërcënuar të lëshojë raketa afër territorit të Uashingtonit, në ishullin e Guamit.
