Pas kërkesës së opozitës për të shtyrë afatin e vlefshmërisë së kartave të identitetit, ministri i Brendshëm, Bledi Çuçi deklaroi se diçka e tillë po shqyrtohet me vëmendje.
Gjatë një prononcimi për mediat, bën me dije “Vizion Plus”, Çuçi deklaroi se pavarësisht të gjithave, asnjë qytetar nuk do të mbetet pa votuar.
“Pavarësisht nga gjithë përpjekja dhe puna që ne po bëjmë për të ndërgjegjësuar njerëzit për të aplikuar për rinoviminn e dokumentave të identitetit. Ne e kemi marrë kërkesën nga disa parti politike të cilët kërkojnë shtyrje të afatit të skadencës. Po e shikoj me shumë vëmendje. Unë jam në kontakt edhe me krytarin e Komisionit Qendror të Zgjedhjeve, për të parë dhe për të marrë edhe nga ata një opinion lidhur me këtë çështje. Sepse sigurisht do të lidhet me mënyrën sesi do të aplikohet teknologjia në zgjedhjet e radhës. Kështu që jemi në koordinim të plotë dhe unë mund t’i garantoj shqiptarët që askush nuk do të mbetet pa votuar për shkaqe që nuk varen nga vullneti i tyre.”
